Esperanto-Nov-Skotio
Esperanto-Nov-Skotio
Esperanto Nouvelle-Écosse
329 Poplar Drive
Dartmouth, NS B2W 4K8
Canada
Kontaktuloj (anstataŭigu " ĉe " per "@"):
Bob Williamson: bob.williamson ĉe ns.sympatico.ca
Reni Porter: rennyporter ĉe gmail.com
Ni bedaŭras, ke ni ne sufiĉe bone regas la francan lingvon por povi oferti franclingvan tradukaĵon.
Lokaj Agadoj
Venonta Kunveno
Ni kunvenas proksimume dufoje ĉiumonate, sed tute ne regule. Ni havas neniun formalan programon, kaj simple konversacias pri io ajn laŭplaĉe. Plej ofte estas de kvar ĝis ok ĉeestantoj ĉe niaj kunvenoj.
La sekvanta du-hora kunveno okazos dimanĉon, la 1-an de aŭgusto, 2010 je la 14:00-a horo ptm ĉe la hejmo de Kim Keeble en Upper Rawdon, Nov-Skotio. Ni kore bonvenigas ankaŭ vin al la kunveno. Bonvolu kontakti nin por informo kaj se vi bezonas veturadon tien.
Surreta Katalogo de Libraro Ludovika
Libraro Ludovika estas la plej granda aktiva Esperanto-biblioteko en Nord-Ameriko. Ĝi havas pli ol 2000 aĵojn, kiujn kolektis D-ro Stevens Norvell, St. John's, NovLando, Kanado. (Nuntempe oni movas la libraron al Montrealo, kie ĝi ankoraŭ estos havebla al KEA-anoj.)
Ties katalogo estas nun surreta:
Enkonduko
Katalogo mem
Gazeteto kaj Aliaj Aktivaĵoj
Nia grupo, kvankam eta, sufiĉe aktivas ekde 1984. Krom la kunvenoj, kaj la libraro:
- Ni ne plu eldonas Inter Ni-on, monatan kvar-paĝan gazeteton, kiun oni legis en pluraj landoj. Antaŭaj numeroj de Inter Ni estas elŝuteblaj en pdf-a formato ĉe http://www.gazetejo.org/eo/interni .
- Ni gastigas internaciajn vizitantojn.
- Kim Keeble instruas Esperanton per senpaga 12-leciona poŝta kurso.
- Ni dismetas faldfoliojn pri Esperanto kaj la poŝta kurso en bibliotekoj, universitatoj, kaj aliloke.
- Ni donacis kopiojn de la libro Esperanto en la Moderna Mondo al kaj publikaj kaj lernejaj bibliotekoj.
- Ni havas pri-Esperantan tablon ĉe la jara Word on the Street (Vorto ĉe la Strato) librofoiro en Halifax (septembre).
- Kaj ni faras aliajn reklamadojn.